ភ្នំពេញ ៖ ក្នុងបេសកម្មរយៈពេល ១២ថ្ងៃ មន្ទីរពេទ្យមិត្តភាពខ្មែរ-សូវៀត ត្រូវបានរៀបចំជួសជុលប្រែក្លាយអគារជំងឺសួត ទៅជាអគារសង្រ្គោះបន្ទាន់ជំងឺកូវីដ-១៩ កំរិតធ្ងន់រួចរាល់ នឹងបើកដំណើរការទទួលអ្នកជំងឺនៅថ្ងៃអាទិត្យ ទី០២ ខែ ឧសភា ឆ្នាំ២០២១សប្ដាហ៍នេះ។ នេះបើតាមការបង្ហោះលើទំព័រហ្វេសបុករបស់មន្ទីរពេទ្យមិត្តភាពខ្មែរ-សូវៀត នៅថ្ងៃទី១ ខែឧសភា ឆ្នាំ២០២១។

សាស្រ្តាចារ្យ ងី ម៉េង ប្រធានមន្ទីរពេទ្យមិត្តភាពខ្មែរ-សូវៀតបានឱ្យដឹងថាក្រោយពីបានទទួលការណែនាំពីសម្តេចអគ្គមហាសេនាបតីតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ព្រមទាំងលោកសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល លោកនិងក្រុមការងារបានរៀបចំជួសជុលអគារជំងឺសួតទៅជាអគារសង្រ្គោះបន្ទាន់ជំងឺកូវីដ-១៩ កំរិតធ្ងន់បានរួចរាល់ហើយនៅថ្ងៃនេះ៕